Hadien wa da em wa pynpor ya ka kyrwoh ha ki Social Media, da kiwa khut ya idæ kam Ka Rynsan Keinñoh Ynnai Long Mraw, kawa da khut ya ki bru wow mih paidbah ki ha ka 01-06-21 yow lai paidbah na Madan Student, Jaiaw lyngba ka ka Meghalaya Secretariat, Mot Kiang Nangbah wei wow pynkut ha u Mot Tirot Singh Syiem ha Madan Fire Brigade kam chibynta wow pyrchah ya ka khlam, i e dawai tika, ka Lockdown wei yei pynbor phah Test ya ki paidbah deiwa ong wa ini da pynman ya ki kam ki mroo khamtam kiwa dooh wa duk hapoh ka jylla.
Neiliang u SP ka East Khasi Hills ha ka kyrwoh wa phah u ynne ka sngi da ong u wa ki pulit da chem wei da tipmit ki ya kiwa yahkhmat wa ki dkhot kani ka kynhun wei da maham wow pynchitom ya ki katkam ka aiñ lada ym pynbait ki ya kani ka kaam.
Da ong wa neidaw wa boon kiwa yap kamjooh kiwa yoh ya u khñiang khlam, i khut wow pynman da ka yalai paidbah toh i wym de i kitkhlieh, iwa man leh i tyngkeiñ ya ki kyndon ka Lockdown kawa da pynkrehkaam yow yada yei chait i khiah ki paidbah.
Kamtæ da kyntu ya ki paidbah wow man ki kiwa em yei kitkhlieh ha kam kini ki por.
