Maham ki soo chnong wow kyntait ya ka Congress ha u 2018 lada ym yoh ki yeiwa emkaam

Shillong: Ki soo tylli ki chnong kiwa dang haap hapoh ka Mawthadraishan Constituency man ki ki chnong kiwa chem pap tam ha waroh ka thaiñ neidaw wa man ko kawa sahdien dooh khamtam i wym yoh de ki paidbah ya u sarok wa bha kamwa la 24 snem neidaw wym chimkhia ka sorkar.

Kiwa pathai khubor da hiar ki cha kini ki soo tylli ki chnong kiwa kynthup ya ka Domkseh, Mawsarang, Umdum wa ka Lawdisai heiwa da chem ki yei sih u sarok chwa palat kiwa dap du i ktieh, ki moo wa kah ya ki kari khian wa kiwi kiwi.

U Pyndapborlang Marshilong uwa man leh u President ka Mawthadraishan People Development Forum (MPDF) hawa yaklam wa kiwa pathai khubor da ong u wa da booh boon tylli ki dorkhat cha ki tnat waphær waphær yong ka sorkar jylla kam ka tnat Tourism, ka PWD, ki montri wa kiwi kiwi hei yatoh wa sih u sarok la palat 24 snem tangwa ka sorkar ymjooh poi ko cheini.

“Boon na ki paidbah ha kini ki chnong im ki nei rep i riang, i ri mrad wa kiwi kiwi tangwa i man i long ka rymaw wa i suiñbneiñ da pynsih lut ko yei man ki mar iwa wanrah won yei doohnong ya ki” da ong u Pyndapborlang.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da pyntip u leh wa neiliang yong ki da dawa ki na ka sorkar jylla hapoh ka MUA-II wa emkaam u leh ko iwon iwon hei yatoh wa u sarok chwa wow poi ka Election 2018 wei lada ka sorkar ym leh ko yeini daw kyntait ko ya ka Congress ha kani ka Election 2018.

U Klenning Myrthong uwa man kam u Sordar ka chnong Domkseh da pynsñiaw u wa ki paidbah kani ka chnong da yachem ki yei eh i khoo hei yatoh wa i sih uni u sarok uwa jrong kamwa 8 Kilometre na Nongshilong hadooh Mawthadraishan tangwa ki kari haap lai ki hadooh chi kynta chiteiñ.

Da ong u leh wa i sih u sarok da wanrah ko i eh ya ki paidbah khamtam hei kit i bah, i kjut i chitom, wym biang umdih, ki thaw sumaar wa kiwi kiwi.

“Da booh i ya ki dorkhat wa kyrpaad ki 4 chnong ha u MLA ka thaiñ, ka PWD tangwa hadooh katni ym em wa boodien yeini waroh wei da jubab wa ka sorkar ym em poisa ko wow leh yeini” da ong u Klenning.

U Lum Mawthadraishan toh u loom uwa jrong tam ha West Khasi Hills wa uwa man wa ar ha Khasi Jaiñtia wei na uni u loom ye u yoo ya ki chnong wa marjan, ka jylla Assam,  ki Lum Makachang (Himalaya) wa kiwi kiwi.

Kam ki chnong boon iwa kyrpaad ki na ka sorkar wa toh u kyruiñ ko cha kini ki chnong khamtam wa tip ya ki kam ki chnong wa ye u uiñke sawari.