Shillong: Hadien wa kut i e por ka Meghalaya SSA School Association (MSSASA) ya u Chairman ka National Institute Noida Uttar Pradesh ha ka 16 tarik u bnai wa da dep heiwa ym em yoh jubab ki na ki, ka MSSASA da dawa ko na ka sorkar yow tipmit noh ya ki wa sikai wa lai puræ D.El.Ed wa em 4385 ngut yong u snem 2013 wa ki 3437 ngut kam kiwa da pyndep ya ka D.El.Ed wei kini waroh da man ki 75% na ki waroh kiwa sikai SSA ha ki skur Lower wa Upper Primary.
“I kyntu i ya u Chief Minister u Dr. Mukul Sangma wow pyrkhat u ya kini ki 7822 ngut kiwa sikai heiwa 4385 toh kiwa da dep pynbiang certificate katkam i kam ka NIOS katwa ya ki 3437 won dang sah ki Certificate neidaw wym biang i rukom pynbait result ka NIOS kawa da pynbna ha u Naikhynde (September) ynnin u snem iwa slem hadooh 9 bnai u pynmih ya ka result. Ini waroh ym toh i bakla kiwa sikai toh du neidaw wym chimkhia ka NIOS u pynbait ya ka result da chitom kiwa sikai” Ong u H.M. Marbaniang, General Secretary ka MSSASA Central Body.
U S.C. Khuntia Secretary Department of SE&L MHRD Govt. of India, da ong u wa ka NIOS da dep pynkhreh ko ya ki Certificate yong ki 4385 kiwa yaleh D.El.Ed yong u snem 2013 kamtæ ka sorkar toh u tipmit ko ya kini kam kiwa da pyndep ya kani ka esikai yow yoh ki ya ka tulop wa da pynku ya kiwa sikai katkam ka Sarva Shiksha Abhiyan State Education Mission Authority Meghalaya (SSA-SEMAM) Shillong.
Lada ka NIOS ym ye ko u pynbiang ya waroh ki dawa ka seiñ, ka seiñ daw thoh ko cha ka tnat MHRD ka sorkar India yow khang noh ya ka NIOS wa em ha Shillong wei daw rah leh ya ka sorkar cha ki yung bichaar.
Discussion about this post