Ka synrop ki seiñbhalang hapoh ka satri CoMSO ha ka 18 tarik uni u bnai da yachem ko ha Nongbah Tura, West Garo Hills District wow pyrkhat hajrong ki mat dawa yong ka neibynta ki jaitbru ka jylla.
Ha kani ka yalang da em kiwa yahkhmat seiñbhalang napoh Ri-loom Khasi, Jaiñtia wa Garo wow chim ya i rai wow pynjoor yei yakhih ha waroh kawi ka jylla khamtam wow dawa pynkrehkaam noh ya ka ILP.
Ka CoMSO da rai biang ko wow pynman ya i yakhih ha kylleiñ ki thaw da ki lai paidbah wa ki yalang paidbah wow pynsñiaw ya ka sorkar pyrdi wa da thrang sakhiat ya ka ILP.
Da ong ko wa ini i leh daw man i kam ki dak ki chin wow pynsñiaw cha ka sorkar yei angnood ki paidbah ka jylla.
Hajrong ka ILP, ha ka yalang da rai leh wow booddien wow kynthup ya ka ktien Khasi wa Garo ha ka Riti Synchaar ka ri India; wei wow pynsmat u pynkrehkaam ya i pynkylla ha ka Sixth Schedule wa yatoh wa ki District Council wei wow pynbait noh ya u pood u ang ka jylla.
Ka CoMSO da khut ko ya ki paidbah ka jylla wow krehlang yow pynmankaam ya ini i angnood.
