Ka seiñ JSM da e ko yei kyrchaan yeiwa dawa kiwa sikai Adhoc hapoh ka lama FASTOM, deiwa e por ya ka sorkar hadooh ka 6 tarik uni u bnai lym kamtæ daw pynman yakhih ha waroh kawi ka ri-loom Jaiñtia.
Kam wow pynkynmoo wa ka sorkar ynnin ka sngi da khut ko wow yaklam wa kiwa yahkhmat ka FASTOM deiwa kular wow pynku ya ka poisa yarap wa da e cha ki Aided School wei yeini ka rai u mynjur noh ya ka manda khut pynman ya ka yalang ki Montri namo ka Cabinet Meeting pyn ha kini ki sngi wow wan.
Ka sorkar da ong ko wa kini ki skur toh kiwa da e yarap poisa donhi da ka sorkar wei ya kiwa sikai toh kiwa da thung da ki Managing Committee ki skur hadooh wow pynlai ya ki. Kamtæ ka sorkar daw pynku noh ko ya poisa wa da e yarap cha kini ki skur man-u-bnai.
Neiliang ka JSM da ong ko wa kini kiwa sikai Adhoc toh ki wym pu em pynku tulop de ya ki da boon snem kattu hadooh wa da hap ki wow mih cha ki sarok yow pynman yakhih.
