Ynnin ka 15 tarik, neiliang yong ka FKJGP Iooksi Saphai Circle, JSU Lakadong Unit, HYC Iooksi Circle hei synran lang ka FKJGP Laskeiñ Block Circle da yachem lang ki kamwa da booh tarik tangwa neiliang yong u Executive Engineer PWD Road Shangpung, u MLA ka 4 Mowkaiaw wa ki bru ka World Bank ym em wan ki katkam wa da booh tarik wow yachem ynnin ka sngi.
Neiliang yong ki 3 sieñ da yachem ki wa u Manager yong ka Dhar Company heiyatoh wa i rukom siang psiang ya u sarok neidaw wa boon i duna i wym pynhun ya ki paidbah ka thaaiñ, kamtæ neiliang u Manager da ong u wym ye u yaklam hajrong ini wei hap ki wow wan biang ha kani ka 17 tarkik wa wan ki bru yong ka World Bank.
Kamtæ neiliang yong ki seiñ da ong ki wa lada dang thok ki khlem wan kam ynnin, neiliang yong ki da rai wow pynsangeh chwa u pynkreh ya uni u sarok hadooh wa wan ki bru yong ka World Bank kawa kyrchaan poisa ya uni u sarok.
I bynta wa dang pynchna ya uni u sarok toh nadooh na Pyntea hadooh Saphai wa jrong kamwa 26 Km heiwa ym em yoo biang ki seiñ yei rukom siang psiang ya uni u sarok.
