Neiliang u DC ka East Jaiñtia Hills District da pyntip u wa da chem wa dang pteiñ ki manyung kamjooh ki dukan wow pynkai ya ka um jakhlia cha u National Highway-6 hapoh ka District iwa da pynsih ya u sarok wei yeini da leh khlem da yoh bor hadooh wa da neh da lang um iwa da wanrah leh yei smat sih u sarok.
Da ong leh wa ini wa da leh kamni daw ktah ko yei chait i khiah kamjooh iwa maa ya kiwa lai kjat najrong wa ktah ko leh yei neh slem i miat u sarok.
Chooh chooh da ong wa i pynkai um kamni man ko pyrchah ya ka aiñ National Highway Act, 1956, kamtæ phah ya kitu kiwa leh yeini wow sangeh ki chisiendon ha waroh ki bynta u NH-6 hapoh ka East Jaintia Hills District.
Ya kitu kiwa da chem wa leh yeini hap ki wow sangeh noh khlem da pynslem wei wow chna hi ki ya u dooid, ki thaw pynlai yei jakhlia hapoh u pood u ang ki yung ki sem ki deiwa pynlut na kata hi ki.
Lada chem wa dang em kiwa leh pyrchah ya kani ka hukum daw pynchitom ki katkam ka aiñ.
Discussion about this post