Jowai: U Deputy Commissioner ka West Jaiñtia Hills District, hadien wa da yoh u boon ki ujor pyrchah ya kiwa kamai Tourist na Jowai wa chim kabu ki ya ki paidbah da pynmih hukum u ya waroh kiwa kamai Tourist Taxi hadooh ki Local Taxi wow kreh hok wei wow bood ya ki kyndon wa da booh ka sorkar.
U DC da pyntip u wa ki paidbah da ood ki wa kiwa kamai kari pynku bai kari ki khamtam ha ki sngi chuti wa heipor janmiet wei lada ym su ki paidbah dam ki dei kamai.
Kamtæ UDC da maham wa kiwa kamai kari hapoh ka District lada ym pyntikna ki wa suk ki paidbah hei lai hei wan ki wei lada poi ka ujor pyrchah ya kiwa kamai kari daw pynchitom ya ki katkam ka aiñ.
Discussion about this post