Jowai: U Deputy Commissioner (Supply), West Jaiñtia Hills da phah u ya waroh kiwa khayi yaki mar wa emkaam (Traders of Essential Commodities) ym toh wow pynku dor wei wow murieh yaki mar wa emkaam kam ya u dai wa u piat.
U Deputy Commissioner da phah u leh ya kiwa khayi wow wah ya i dor ki mar hakhmat dukan kamjooh hadooh katwon em Stock ki.
U DC da maham u wa daw pynchitom ya kitu kiwa ym bood yaka hukum katkam ka aiñ Essential Commodities Act 1955.
