Katkam wa pynlait khubor da u Pyrwa Lymba uwa man u Dolloi ka Elaka Darrang Dalloiship kawa haap hapoh Amlarem Sub-Division yong ka West Jaiñtia Hills District, da maham eh u yaki paidbah kiwa jooh wan khwe lane wanke cha kani ka Elaka kawa em yaka wah Umngot, khlem da pyntip chwa cha kiwa pait ka Elaka ha chwa wow wan.
Ini i pynmih ya kani ka hukum man ko kam chibynta wow yada na i poor u khñiang COVID-19 cha kani ka thaaiñ wei leh wow pynrkhiñ na i wan psiah kulmar ki bru khlem da i pyntip wa biang.
Neitæ i daw, u Dolloi kani ka thaaiñ kwah u wow yaleh pyrchah ya i sih wa i pynsih ya kani ka wah kawa haap hapoh i pait yong oo wei wow yada yaki paidbah wow lait na i poor u COVID-19 cha kani ka thaaiñ.
U Dalloi da kitbok kitrwiang u leh yaki paidbah ka thaaiñ wow im ki hei kreh minot khop ya i kaam wei yow yoh ya i chait i khai iwa man i dawai bah neibynta i im yong i ki bru.
Kamtæ da kyrpaad yaki paidbah kiwa najan wa na jngai wow sñiawbha ki wow phone chuwa ha uni u number 8132096302 chwa wow wan cha ka wah Umngot.
