U President ka Russia, u Vladimir Putin da ong u wa i ya kynaad hapyrdi ka Russia waka NATO daw yah ko cha ka thmabah wa le wei kattæ kamwa man sah sa du chi kaap donhi, wei yeini da ong u hadien wa jop u yaka Election yow man biang kam u President ha ka sien wa san.
Da jop u deiwa yoh 87.8% ki Vote heiwa ki ri sepsngi ka pyrthai da ong ki wa kani ka Election ymtoh kawa khooid neibhah ki kyrtong kiwa ye u pynrem oo ym chah wow yieñ Election ki heiwa yaka Election da pynman leh hapoh Ukraine kawa chah hiar thma.
U Putin kattu da man u kam u President wa chakri slem dooh ka Russia hadien 200 snem heiwa oo da ong u wa kam ka ri da ku bha ko chakhmat heipor yong oo wei kiwon kiwon kiwa pynyoo bor pyrchah yaka Russia hawa kut daw rem ki.
Da ong u leh wa ki chipai ka NATO da em ki hapoh Ukraine neibhah da sñiaw wa em kiwa klam dei ktien English wa dei ktien French wei ini ymtoh iwa bha ya ki neibhah da boon chwa na ki kiwa da yap.
U President ka France, u Emmanuel Macron ha u bnai wa dep, da dep ong u wym swe u wow phah ya ki chipai yong oo cha Ukraine.
Kamtæu Putin da ong u wa thmabah ye ko u sdang hapyrdi ka Russia waka NATO deiwa pynrap wym em wa kwah yeini.
Discussion about this post