Maham u Sanbor wow ieh ya ka BJP lada ym pynyait ko ya ka NE na ka CAB

Jowai: U MLA ka BJP hapoh ka jylla ynne ka sngi wa kynthup ya u MLA na South Shillong, u Sanbor Shullai da maham u wow mih noh na ka party BJP lada ka ka sorkar pyrdi ym pynyait ko ya ka thaaiñ mihsngi na ka Citizenship (Amendment) Bill, 2016.

U Sanbor da pynbna u yeini heipor wa man ka yalang paidbah ka Confederation of Hynniewtrep Social Organisations (CoHSO) ha Madan Sudent, Jaiaw Shillong kam chibynta wow pyrchah ya ini i thmu ka sorkar pyrdi wow pynman aiñ ya ka CAB.

Chwa wow sdang kani ka yalang ki paidbah da pyrchah ki ya u Sanbor tangwa du hadien wa klam u da sdang ki wow burom wow pdiang ya ki kyntien wa klam u heiwa da klam u ya ki kyntien wa ong wa tieñ u boon chah ya ka Citizenship (Amendment) Bill bar ya ka rai Election (MLA).

Da pyntip u wa ha kani ka sngi wa ar daw yachem u wa u montri ranbahdooh ka ri wow dawa wow pyndam yei krehkaam kani ka aiñ ha kani ka thaaiñ mihsngi wei lada ym map ki yeini daw dam noh u wow man kam u dkhot ka BJP.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u leh wa daw yaleh u wow pyrchang wow pynhun ya u para dkhot BJP yong oo u AL Hek wow ieh noh yei kaam yong oo kam u montri ka sorkar pyrdi.

Hawa yaklam won wa MLA ka BJP uwa man leh u montri ka sorkar MDA u AL Hek da ong u wa ka BJP hi deilang waka sorkar jylla da pynsñiaw ki yei pyrchah ya ka CAB nadooh wa sdang.

Da ong u wa burom wei pdiang sñiawbha u yei sñiaw u Sanbor, tangwa da ong u wa neiliang yong oo chwa wow chim ya kawon kawon ka rai deiwa phyllu yumut chwa wa kiwa yahkhmat ka Party hapoh ka jylla.

Da ong u leh wa lada mih naka Party daw pynlait ya ka CAB oo smat u wow yaklam wa u Sanbor.