Maham u Trump ya ka India deilang kiwi ki ri wa em hapoh ka BRICS

U Donald Trump uwa man kam u President wa da chah jied ka USA, da maham u ya ki ri wa em hapoh ka BRICS wa kynthup ya ka India wa toh u pteiñ wei kyrchaan ya ka poisa US Dollar lymkamtæ u ngat ki 100% ka dan.

Da ong u wa kini ki ri wa em hapoh ka BRICS (Brazil, Russia, India, China wa South Africa) da kwah ki wow yait noh wow pynemkaam da ka US Dollar ha ka khayi pateiñ wei ka USA ym chong tæ pait hi-eh ko yeini wei kini ki ri leh ymtoh u chna ki da ka yong ki ha ka poisa heithaw ka US Dollar wei lada leh ki kamni ym yoh de ki wow embynta ha ki yaaw ki haat ka USA.

Kani ka BRICS toh kawa da sdang ha u snem 2011 heiwa ha uni u snem da psiah leh sa ka Iran, Saudi Arabia, UAE, Ethiopia wa Egypt wa man ka sien wa nyngkong wa da pynboon paaid ko hadien 10 snem wei da em leh kiwi ki 34 tylli ki ri kiwa da pynsñiaw yei kwah ki wow em hapoh kani.

Ka Brazil ha u snem 2023 da tyrwa ko wow sdang noh da kawi donhi ka poisa ha South America yow lait ware u chaniah ha ka US Dollar. Wei lada jia ki ri wa em hapoh ka BRICS pynemkaam ki da kawi donhi ka poisa, daw e laad ko ya ka Russia wow lait ko na ki kyndon wa da kdoh da khoom ka kiwa tip kam ki Sanction iwa da leh nadooh u snem 2022 hadien wa hiar tham ko ya ka Ukraine wei ka poisa Russia da man ko kawa da tlot bor katni.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Trump nadooh wa lai yalap Election u da maham u wow pynku ya dan ki mar wa wan na Mexico, Canada wa China wei u leh u yeini mar ya chimkti u kam u President najrong wow beh u ya kiwa psiah pyrchah aiñ chapoh ka USA.