Ka seiñ MPUF Shangpung Unit da beiñ joor ko ya u L.D. Suiam uwa man u A.E. ka chnat bordiñ na chnong Shangpung Mission hajrong i klam pyntieñ (Comment) u ha ki khubor wa mih yong ka seiñ ha Facebook.
Ka seiñ da ong ko wa ini i leh uni u waheh da klam khor wei pyntieñ ko ya ki dkhot neibhah wa da maham siat u ya ki dkhot da ka suloi.
Neiliang u General Secretary ka seiñ da dawa ko ya i Suiam wow wan chakhmat cha ka yung krehkaam ka seiñ wow pynche wei wow paan maap na ka hapoh ar sngi wei da phah ko leh da ka chithi cha oo ha ka 14 tarik uni u bnai.
Da ong ko leh wa lada u Suiam ym wan u hapoh ki sngi wa da booh neiliang ka seiñ daw ujor ko da ka FIR pyrchah ya oo.
