Ki wakreh ka NGEA da pynman ki yei yakhih ha kini ki 3 bnai wa dadep neidaw wym su ya ka tulop kamjooh yow dawa pynkrehkaam ya ka Meghalaya Fifth Pay Commission wei wow pyndam ya ka Rikse R. Marak MCS kam ka Secretary ka Executive Committee GHADC.
Kamtæ ha ka 5 tarik uni u bnai, u Chief Executive Member ka GHADC u Benedict R. Marak da khut u ya ka NGEA, ki wakreh ka GHADC wa ki seiñbhalang wa em 10 tylli yow yaklam kammon wow su noh ya ka tulop wa da sah la 34 bnai wa kiwi de ki dawa.
Ha kani ka yalang da pdiang ya ka tulop wa 5 bnai ha ka Scale warim heiwa da kular wa ka GHADC u e ko ya ka tulop ha ka Scale warim nyngkong 5 bnai wei hadien 2 bnai daw pynlait ya ka tulop wa 3 bnai ha ka Scale wa thymme.
Tangwa hadien chi tayaw ym em e dei thoh lane leh u CEM iyi iyi kam ki dak wa da ksoh yei kular, kamtæ neiliang ki wakreh da e por ki soo sngi, wei lada ym leh katkam wa kular daw pteiñ biang ki yei yakhih.
