• About Us
  • Contact Us
  • Privacy Policy
  • Advertise With Us
  • Terms & Conditions
Monday, October 13, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Maham yakhih chah thngan kiwa kreh Muster Roll lym e jubab ka sorkar deiwa hun

Wyrta Staff by Wyrta Staff
December 2, 2024
Reading Time: 4 mins read
A A
0
Share on FacebookShare on Twitter

Ha ka General Meeting yong ka seiñ kiwa kreh Muster Roll wa tip kam ka All Jaiñtia Muster Roll Workers & Labour Union, wa da pynman ynne ka sngi ha yungwalieh ka Dorbar Chnong Tpep Pale, Jowai, neiliang ki dkhot, da wan chimbynta ki u yachem yaphyllu hajrong artylli ki mat, iwa nyngkong toh hajrong i pynslem ka sorkar jylla u pynku ya ka bai nongsngi (Variable Dearness Allowance) kawa da toh u pynkrehkaam ki nadooh ka 1 tarik October, 2024.

Kawa ar hajrong wow pynku ka sorkar ya ka bai nongsngi kawa da toh hok u pynku chisien 5 snem (Basic Floor Rates) nadooh ka 1 tarik October 2023, katkam ka aiñ Minimum Wage Act 1958.

Kiwa e yei klam da ñiawliar ki yei wym bna ka sorkar wot najrong wa man ki kam kiwa kreh ka sorkar wa khian tam i su leh, khamtam ha kini ki sngi wa da nang syad ki dor marbaam, bai bordiñ, bai puræ puthi ki khon wa kiwi.

U K.L. Pariat, uwa e buit ka seiñ uwa da emlang ha kani ka sngi, hawa klam da pynkynmoo u yei lai luti ka seiñ kamjooh leh ki yakhih wa nachwa neibynta u pynbor ya ka sorkar u pynyoh ko yei hok yong ki. Kamjooh leh da khana u yei lai luti ka seiñ neibynta kini ki ar tylli ki mat wa da yaklam ki ha kani ka sngi.

Related posts

Wiar sa kawi na Shillong kawa 17 snem i rta

October 13, 2025

Lehkmen ki nong Israel hadien wa sdang ka Hamas wow pynlait ya kiwa kset ki la ar snem

October 13, 2025

Hadien wa da kut ka yalang, ka General Secretary ka seiñ, ka Wegetwell Rumut khana ko wa ka rai wa mih na kani ka yalang toh wa mynstep ka 3 tarik, ka seiñ daw lai yachem ko wa u Vijay Kumar IAS, Commisioner & Secretary Finance ka sorkar jylla wei lada ym yoh ki ya ka jubab wa pynhun katkam ki mat dawa, da rai ki wow lai chong chah thngan khlem booh por ha Shillong nadooh ka 17 tarik uni u bnai.

Ha kani ka sngi kiwa kreh Muster Roll ha ki chnat krehkaam waphær waphær leh da pynsñiaw ki jar jiar i eh i khoo ha ki chnat krehkaam wa ki kreh ki, khamtam kiwa kreh haka chnat Sericulture heiwa da ong ki wa chem chitom bha ki neibhah wa ya ki da su du ar sien chisnem najrong kiwi de i eh i khoo wa maad ki.

ShareTweetSendShare
Previous Post

Yap u sahep IPS wa thymme heipor wa dang lai nyngkong cha thaw kreh

Next Post

Pynmih hukum ka Dorbar Chnong Khimusniang neibynta waroh ki tre thaw

Related Posts

News

Wiar sa kawi na Shillong kawa 17 snem i rta

October 13, 2025
News

Lehkmen ki nong Israel hadien wa sdang ka Hamas wow pynlait ya kiwa kset ki la ar snem

October 13, 2025
News

Khut ka KSU Wapung Circle ya kiwa lehbha hei puræ puthi yow yoh ya ka Woh Tep Kyndait Memorial Award 2025

October 13, 2025
News

Da chem ya ka khynnah wa wiar na Umpling

October 13, 2025
Next Post

Pynmih hukum ka Dorbar Chnong Khimusniang neibynta waroh ki tre thaw

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar