Jowai: Ka seiñ Jaiñtia Student Movement (JSM) Central Body da thoh ko cha u montri ka Social Welfare Department u Kyrmen Shylla yow pyrchah yei chah beh kreh ka wakreh kam ka Anganwadi Helper hapoh ka AWC ka chong Nongbarehrim B.
Ka seiñ haka chithi da ong ko wa kawa chah beh kreh toh hajrong ka yurim wa ym bien ko u chon dur Aadhaar wei da pyndam kreh yaka daka Child Development Project Officer, ICDS Project, Amlarem wei da khut kreh thymme ko ya kani ka kaam wa lait wei daw pynman yaka Interview ha kani ka 17-09-2019.
Ka seiñ da pynsñiaw ko yei pyrchah wow pynman ya kani ka Interview wei wow thung kreh biang yaka warim wei lada ym leh ya ini, ka seiñ daw pynman ko da ka yakhih.
Da kyntu ki leh ya u montri wow yaklam u chaphang kani ka kaam cha Delhi yow pyllait ya ki wakreh Anganwadi wa ki Helper yow lait ki nei hap pynyoo Aadhaar yow yoh kreh ki.
Discussion about this post