Shillong: Ka North East Forum for Indigenous People (NEFIP) kawa man ka satri yong ki 250 tylli tam ki seiñbhalang ka thaaiñ mihsngi kawa da mihkhmat da ka Confederation of Meghalaya Social Organization (CoMSO) na ka jylla da pynman ko ya Central Executive Council wa nyngkong dooh ynnin ka 25 tarik ha Kohima, Nagaland.
Ha kani ka yalang, da rai wow pyrchah ya ka Citizenship Amendment Bill wei kam ka dak wow pyrchah ya ka kamwa da thrang u montri ka kaam pohyung, u Amit Shah wa ka sorkar BJP, daw wanrah biang ko ya kani ha dorbar chna aiñ ka Parliament wow wan, ka NEFIP daw pynman ko yei pyrchah (Public Protest) ha waroh ki jylla ka thaaiñ mihsngi wa ha Meghalaya leh daw pynman ha Shillong yeiwa daw pynbood won da kiwi ki yakhih.
Ka NEFIP da iwi i sur da rai ko wow dawa na ka sorkar India wow pyndam hi noh ko ya ka CAB wei lada ym ap ko ka NEFIP daw lai ujor noh ko ya ka sorkar India cha ka United Nation Organization.
Ka NEFIP rai ko leh wow pyrchah yei thmu wow pynman ya i ktien Hindi kam ka National Language wei ya i thmu ka BJP wow pynbor ya ki bru u puræ wei wow klam Hindi. Da rai leh wow dawa na waroh ki State Legislative Assembly yong waroh ki jylla ka thaaiñ wow dawa na ka sorkar pyrdi wow pynkrehkaam noh ya ka UNDPRIP.
Discussion about this post