Mana ka Ophis u DC wow pynman yalang paidbah ki seiñbhalang ha ka 4 tarik

Jowai : Katkam ka khubor wa da yoh da ong wa ki bor district da chah ki ya ki seiñbhalang wow pynman ya ka yalang paidbah ha kani ka 4 tarik tangwa da khang pyrchah leh ya ki wow pynman ya ka ha Biar ka Blai, Mission Compound wa ha Madan Football Jrisaleiñ, wei heijooh i por da mana leh wym hoi u pynman ya ka hapoh 500 meter (radius) na ka ophis u DC.

Ha ka hukum na ka ophis u Additional Deputy Commissioner, West Jaintia Hills da mana wym hoi u lai paidbah (procession) ha chwa næ manda kut kani ka yalang paidbah.

Heijooh i por da ong ka hukum wa emkaam u man kani ka yalang kawa jai jai weiwa lada tyngkheiñ ya kini ki hukum ki nongpynman ya ka u man ki kiwa bahkhlieh yeini waroh.

Neiliang u WYRTA da pyrchang u wow yoh kyntien na ki seiñbhalang, da pyntip ki wa daw chong pyrkhat ki mynstep hei yatoh weini.