Shillong : U Deputy Commissioner kamjooh u Chairman ka District Society for Prevention of Cruelty of Animals, East Khasi Hills District da mana ki yei leh beiñ ya ki mrad hei yatoh wa ka lehniam Bakrid ha ka 12 u September .
U DC da ong u wa da yoh yutip u wa heipor wa kit ya ki mrad ym kit ya ki katkam ki kyndon wa da booh katkam ka Transport of Animals Rules heiwa da poi hadooh em ki mrad wa yap hei por dang kit ya ki da ki kari.
Da ong wa da khang leh u tynyap ya ki mrad wa punkhon, kiwa dang khian khon kiwa dang hapoh le bnai wei i tynyap ya ki mrad heipor wa leh niam hapoh u pood u ang ka Municipal wei ye u leh du deiwa yoh bor don hi.
Da pyntip chooh chooh leh wa i kñia ya ki mrad lait noh ki langbrot, ki blang, ki sniang, ki masi, ki syiar wa ki dakha ym chah de katkam ka aiñ Food Safety and Standards Act and Regulation.
Kiwon kiwon kiwa chem wa leh pyrchah yeini daw pynchitom ya ki katkam ka aiñ Cruelty to Animals Act 1960, Municipal Acts and Rules, Transport of Animals Rules 1978, Amendment Rules 2001, Slaughter House Rules 2001, Municipal Laws and Food Safety and Standards Authority of India.
Discussion about this post