U Montri ka chnat Social Welfare ka jylla, u Paul Lyngdoh da ong u wa emkaam wow pynkhlan yei krehkaam ki pulit yow ye u khanglaad yei wanrah yei drugs cha ka jylla deiwa pynkhlan chooh chooh ya ki pulit ka Anti-Narcotic Task Force (ANTF) yow ye ki u krehkaam rap bha ha ki khyrdop wa psiah cha ka jylla.
U Paul da ong u leh wa neibynta wow yakhun yei drugs, emkaam wow ya krehlang wa kiwi ki chnat khamtam ka chnat pulit waka chnat i chait i khiah heiwa ka sorkar da wanrah ko leh da ka DREAM wow yakhun pyrchah yei drugs.
Heiyatoh wa i yoh psiah i drugs na East Jaiñtia Hills, da ong u wa emkaam wow pynkhlan ya ki ANTF, wei yeini u ye u leh hadien wa dadep wow pynpsiah kaam thymme ya ki pulit iwa dang lai katni.
Da ong u wa hadien wa da yoh ya ki pulit thymme daw jied leh yow phah pynpliah ha ki kaam kynreh drug wa em ha ka chnat ANTF.
Hawa kylli, u Paul da khana u wa katkam wa yoh yukheiñ ka sorkar, da em hadoh 2.5 lak ngut kiwa dih drugs ha ka jylla.
Discussion about this post