U Montri Rangbah ka jylla, u Conrad K Sangma da ong u wa lada ym kylla da kamwi won, ha u bnai nyngkong u snem 2026, ki lieñsuiñ heh daw ye ki wow wan dem wan hiar na Umroi Airport.
Hawa jubab hajrong i yatai heiyatoh wa i klam u Lat, u Conrad ynne da ong u wa katkam ka Report, ki lieñsuiñ heh kam ki A320 daw ye ki wow hiar wei wow hær na Umroi manda pynmadan ya ki kattu katni ki bynta.
Da ong wa kiwa pynlai lieñsuiñ kam ka Indigo Airline wa kiwi da mynjur ki wow wan kamai na Umroi manda dep u pynheh ya ka luti hiar luti hær ki lieñsuiñ. Wei manda krehkaam kani ka Airport hadien wa pynheh ya ka, daw e kaam e jaam ko ya ki khynroo khyllood yow pynku ya ka yoh ka kot ha ka jylla, heiwa ki lieñsuiñ na baar ri daw wan bait ki sak ha Umroi khlem da hiar ha Guwahati yow wan cha Meghalaya.
Ym du kattæ, ka jylla daw ye ko wow pdiang ya ki kaam wa heh kam ki yalehke na baar ri wa kiwi kiwi nadooh ki Concert heiwa manda em kam kini hadooh ki thaw baam, thaw sah, kiwa kamai kari leh da yoh myntoi bha ki.
Discussion about this post