Kiwa yoh COVID-19 ha Meghalaya da em biang ki hapoh 10 ngut hadien chi sngi wei da neh ki hapoh 50 ngut la 28 sngi, hapoh 100 ngut la 34 sngi wei ym em wa yap la soo sngi.
Kiwa dang yoh ynne ka 18 tarik da em ki 6 ngut kamjooh leh kiwa dang yoh 6 ngut.
Na kiwa dang yoh kiwa boon dooh toh ha West Garo Hills (03) wa mar uwi ha East Khasi, North Garo wa ha West Jaiñtia Hills.
Kiwa dang chait toh mar arngut ha East Jaiñtia wa ha West Jaiñtia Hills wa mar uwi ha Ri-Bhoi wa West Garo Hills.
I rukom em kiwa dang chah ktah ha ki District man i kamni:
East Khasi Hills (14), West Garo Hills (11), West Jaiñtia Hills (08), Ri-Bhoi (06), West Khasi Hills (06), East Jaiñtia Hills (05), South Garo Hills (03), South West Khasi Hills (03), North Garo Hills (02), East Garo Hills (01), South West Garo Hills (01) wa ha Eastern West Khasi Hills (00).
Waroh kiwa da chait da em ki 98.23% kiwa em 92,058 ngut, kiwa dang chah ktah 0.06% kiwa em 60 ngut, kiwa yap 1.69% kiwa em 1590 ngut, deilang dapoi 93,708 ngut kiwa da dep yoh ya uni u khñiang hapoh ka jylla.
Kiwa dang yoh, kiwa dang chait, kiwa dang chah ktah, kiwa thiah Hospital wa kiwi kiwi man ki kamni ha wah:
