Ka seiñ HANM Jaiñtia Hills hawa lai pait ya u sarok Jowai Bypass uwa dang pynchna katni da chem ko wa ki bynta wa dang dep pynchna wot da man ki kiwa da sih wei u sarok leh da man u uwa dap dei thlu.
Kamtæ ka seiñ da dawa ko na ka sorkar wow phah ya u Contractor wow pynchna u deiwa ya uni u sarok deiwa khloh biang nadooh wa sdang hadooh wa kut neibhah ini da man ko iwa pynsepai ya ka poisa sorkar.
Da ong leh wa hawa ka sorkar da e ko ya poisa wa biang yow pynkreh ya uni u sarok, u sarok leh toh u man u uwa biang tangwa katkam wa da chem da chna ya uni u sarok da ki mar wym em biang, ki wym em miat wei boon da i khyndaw iwa da pynman ya uni u sarok wow piah u pra u du hapoh chi sngi ar sngi.
Ka seiñ da maham ko wa lada ka sorkar ym hukum ko wow pynchna biang ya uni u sarok nadooh wa sdang hadooh wa kut, neiliang ka seiñ ym tieñ ko wow lai cha ka Meghalaya High Court wei lada e laad wow leh uni u Contractor kamni, kiwi ki Contractor leh daw bood ki ya ini i jooh.
Kam wow pynkynmoo ka sorkar da e jubab ko hakhmat ka Meghalaya High Court wa ya uni u sarok da dep pynchna 75%.
