Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ka ynne da ka yalehke hapyrdi ka C&RD Block XI waka MeECL XI heipor 10:30 i step.
Kani ka yalehke da kut ko da 4-4 heiwa ha ka kylla step ka MeECL da yoh ko wow thap kool nyngkong lyngba u Wanlambok Buam ha ka minit wa 16 kawa da neh hadooh wa kut ka kylla step.
Ha ka kylla miet ka C&RD Block da yoh ko wow thap 3 kool wei da yarap chi kool da uwa yalehke ka MeECL uwa da thap bakla pyn cha ka liang yong oo hi.
Kiwa thap kool ya ka MeECL hei kylla miet toh u Wantre Nikhla (61 min), u Mediphrang Phlong (OG 65 min), u Wantre Nikhla (67 min) wa u Mediphrang Pohleng ha ka minit wa 17.
Ya ka C&RD Block da thap kool da u Heiwanmut Lamare (49 min), u Ebormi Laloo (51 min) wa u Beasanlang Tariang (68 min).
