Ynne ka sngi, neiliang ka Jaiñtia National Council (JNC) Western Zone hapoh i yahkhmat u President, u Leo Ferdinand Dhar wa u Organising Secretary, u Rapmiki Pohti hawa lai pait ki da chem ki wa da kreh khalær kiwa chna ya uni u sarok Pdengshakap chadooh Muktapur.
Kam wow pynkynmoo wa ya uni u sarok da mang nadooh u snem 2022 wei da sdang leh u kreh pyn ha uni u snem 2024 tangwa iwa sñiawsih u yoo toh du ha kini ki kajiak bnai da jæd da pai u lakam wym toh wa dadep chna.
U Rapmiki Pohti hawa klam u da ong u wa katwon i kmen i kyrkhu ya ka thaaiñ War wa da yoh u chna pynthymme noh ya uni u sarok yow suk ka lai ka wan, ka kamai kajih tangwa da kylla mar dei khangtleiñ wei da man i leh i sñiawsih ya kiwa chong chnong ka thaaiñ.
Chooh chooh da ong u wa i chna ya uni u sarok leh toh khlem ki nala (Side Drain) i wym man iwa bha ya u sarok wei ym neh slem u kamni khamtam cheini cha ka thaaiñ War wa boon um boon wah.
Neiliang u President ka Western Zone da ong u wa ya kani ka bynta, ka seiñ ym chong klikti ko wei daw booddien ko cha ki bor wa toh u pait yoh u leh yeiwa emkam neibhah wow lehke ya ka poisa paidbah toh i kaam wa poh tam wei ka seiñ hi ym e laad ko da lei lei leh.
Discussion about this post