Ar ngut kiwa sah pyrchah ya ka aiñ ha ri USA kiwa da chah phah liwan da ka lieñsuiñ ka US Air Force kiwa dapoi ha Amritsar hei miet ka 15 tarik, mar ya hiar ki da chah kem ki ha ki pulit ka Punjab.
Kini toh kiwa da wanlang wa 119 ngut kiwi ki nong India wei da tip ya ki kam u Sandeep Singh wa u Paradeep Singh wei kini toh kiwa da thooh ki pulit heiyatoh wa i kaam pynyap bru ha Rajpura wa em ha Patiala District.
Kini toh kiwa dang emyatoh wei da chah pynngat ki hapoh ka Section 302, 307, 323, 506, 148 wa 149 ka IPC wei ya ka Case pyrchah ya ki da Register ha ka 26-06-23.
Kam wow pynkynmoo wa u President ka USA, u Donald Trump da ong u wa boon kini ki bru wa psiah pyrchah ya ka aiñ toh ki bru wa tyngkheiñ wei manda poi ki cha USA leh pteiñ ki wow leh ki kaam pyrchah aiñ.
Katkam ka khubor, daw poi sa kawi ka lieñsuiñ myntu kawa kit sa 157 ngut ki nong India kiwa sah pyrchah aiñ ha USA.
Discussion about this post