Uwa chaad ka jylla Meghalaya uwa dang 17 snem i rta uwa tip kam u Steve Jyrwa da yoh rah syndon u yei naam jop ha ka yakob chaad wa tip kam ka India’s Best Dancer 2024.
Da ini i jop, da yoh u leh ya ka song poisa kawa Rs. 15 lak deilang wa kawi ka kari Swift.
U Steve da lai chimbynta u ha katai ka rynsan chaad ha uni u snem, wei nadooh wa sdang da man u uwi na kiwa chaad wa ki paidbah deilang ki khloor Bollywood da yaroh bha ki, wei ynne da pynman ya oo wow rah syndon yei jop ya ka Grand Finale kawa da pynyoo hapoh ka Sony TV.
Kani ka yakob toh kawa da pynman la le bnai kattu wei u Steve da pynrem u ya u Harsh Keshri, Nextion, Nepo, Akanksha Mishra aka Akina wa u Aditya Malviya ha ka Finale.
Ha kani ka Finale da wan sakhi leh da ka bei deilang kiwa ha-yung u kiwa da wan na Shillong.
Neidaw wa stat wei jop u Steve, neiliang u Remo D’Souza uwa man uwi na kiwa sikai chaad wa pawnaam wei uwa man leh kam u Producer ka phlim ABCD, da khut syndon u ya u Steve wow ak ha kawi ka phlim chaad kawa daw riñdur noh ha ki sngi wow wan.
Discussion about this post