Kiwa lai puræ ka North Eastern Hills University (NEHU) Shillong ynnin da pynjoor ki yei yakhih heiwa da thang leh yei dur bula u Vice Chancellor (VC), u Prof. PS Shukla, u Registrar, u Deputy Registrar (Academics), u Officer on Special Duty (Director, College Development Council) wa u Guest House In-Charge.
Ya kini ki dur bula da thang hakhmat ka khyrdop yong ka yung krehkaam ka Administrative Block deiwa emlang kiwa lai puræ yong ka NEHU Shillong Campus.
Hachwa ini dang step, kiwa lai puræ da sdang ki yei khang khyrdep (Total Lockdown) ya ka NEHU deiwa khang tala ya ki Gate. Kiwa lai puræ da khang ki nadooh ka Gate 2 hadooh Gate 5 deiwa khang leh ya kiwon kiwon wow psiah chapoh ka thaw puræ khlem da yoh bor.
Da sakhi leh wa ki dkhot ka KSU NEHU Unit wa ki kattu katni kiwa lai puræ kiwa da chah thngan khlem da booh por kiwa da chah e Drip ha kiwa kreh i chait i khiah.
Ini i yakhih toh iwa da sdang nadooh i janmiet ka 5 tarik wei ynnin da wan mih u Vice Chancellor yow yachem wa kiwa lai puræ tangwa kiwa lai puræ ym pdiang ki yei pynche u deiwa dawa pathan wow hiar chuki u.
Kamtæ da pteiñ yei chah thngan heiwa da em 3 ngut kiwa da chah kit cha Hospital kitæ toh u Toniho Kharsati uwa man kam u General Secretary ka NEHUSU, u Aiboklang Nonsteng uwa man kam u Organising Secretary ka KSU NEHU Unit deilang wa ka Naphisabet Marweiñ.
Ynne i step u Toniho wa u Aiboklang hadien wa mih ki na Hospital da lai biang ki cha NEHU yow pteiñ yei chah thngan.
Discussion about this post