Mar ya sdang chah dat moo wot ka Vande Bharat Sleeper Express wa nyngkong ka India

Ynne man ko ka sngi wow sah kynmoo wa da sdang ya ka rel Vande Bharat Sleeper Express Train wa nyngkong ka ri tangwa i lehkmen da sepai i hadien wa kani ka rel da chah dat moo wot ko ha Malda, West Bengal District iwa da pynman ya ki bor pulit wa ki Railway Protection Force (RPF) wow pynjoor ki yei sonteri.

Heiyatoh wa ini da mih leh ki Video napoh ka Vande Bharat Sleeper Train wa pynyoo wa piah ka yit kani ka rel heiwa uwi u khynnah da khyrngiat u wei da tieñ u yeiwa jia hadien wa em wa dat moo ya ka rel.

Ka Railway Protection Force (RPF) da thoh ko cha ka Malda Kaliachak Police Station heiyatoh wa i sdang ya ka rel thymme heiwa da maham wa ye u em i chah dat moo kani ka rel hadien wa mih ko na Malda, Jamirghata, Khalatipur, Chamagram, Sankopara, New Farakka, Ballalpur, Dhulian, Basudebpur wa Tildanga.

Ki RPF da kyrpaad ki leh ya ki pulit ka Kaliachak Police Station wow pynboon ya ki pulit khamtam hajan wa tymbud ka luti ha Malda.

Related posts

Wan psiah NPP kiwa na Nongkhroh kiwa jooh em hapoh ka Congress wa VPP

January 17, 2026

Ye ka sorkar wow khang noh yei su da ka poisa ha ki Toll Plaza

January 17, 2026

Ha ka chithi da thoh leh wa em ki bru wa chim kabu ha Malda kiwa thmu wow dat moo ya ka Sleeper Vande Bharat Express wa nyngkong hadien wa mih ko na Malda, Jamirghata, Khaltipur, Chamagram, Sankopara, New Farakka, Ballalpur, Dhuliyan, Basudebpur wa Tildanga.