Ka Shillong Cricket Association-A da em ko hakhmat ka Tura District Cricket Association-A haka sngi wa nyngkong ka State-Level Final ka Inter-District U-23 Men’s Cricket Tournament ha Mendipathar ynne ka sngi wa pynman daka Meghalaya Cricket Association.
Hadooh wa kut ka yelehke ynne, ka TDCA-A da yoh ko 47/8 hawa jubab yeiwa ka SCA-A da kamai ko haka Innings wa nyngkong iwa 187/10 iwa mut wa da 140 Run chadien.
Ka SCA-A da jop ko yaka kylla khlem wei da jied ko wow Bat nyngkong heiwa kiwa ye u kamai bha toh u Aman Kumar (13), u Ibitlang Thabah (19), u Abhishek Gupta (37), u Swastic Chettri (44) wa u Ashif Khan (55). Na ki kawang bol ka Tura kiwa yoh u pynhaap Wicket toh u Manish Sharma (6/55), u Cham Sangma (2/26) wa u Aniket Basfor (1/34).
Na kiwa kawang bol ka Shillong wa leh bha dooh na ki 24 Over wa sah ynne ka sngi toh u Abhishek Kumar (6/16) deiwa yoh Wicket lang u Bipin Ray (1/8) wa u Lokesh Turaha (1/12).
