Ka South Garo Hills waka Shillong Cricket Association da jop ki ynne ka sngi wa le ka Inter District U-19 Girls Cricket Tournament 2021 ka Meghalaya Cricket Association wa pynman ha Nongstoin.
Ha i step, ka SGH da Bat nyngkong ko pyrchah yaka West Khasi Hills kawa kamai 114/5 na ki 20 Over (Marme M Sangma 36; Emisakani Warjri 3/16). Ka WKH won da ye ko wow kamai 99/8 (Abiezer P Syiem 23; Dianchidora N Sangma 3/7) heiwa ka SGH da jop ko da 15 Run. Ka Sangma da yoh ko leh yei naam Player-of-the-match.
Haka yaleh wa ar, ka SCA deiwa yarap ka Player-of-the-match ka Suruti Kumar Ray kawa sa chisien da yah ko na khmat deiwa yoh 93 Run na ki 60 bol, iwa da yarap yei liang yong ka wow yoh 189/3 na ki 20 Over. Ar na ki 3 tylli ki Wicket da pynhaap daka Ibajanai Wanniang (2/30) yaka South West Khasi Hills.
Ka SWKH hawa kdong yei thong da ye ko wow kamai 104/5 heiwa da kamai boon dooh daka Indarika Kharwanniang kawa yoh 31 Run, heiwa ka Shillong da jop ko da 85 Run. Ka Neelam Roy daka bol da yoh ko 2/13.
