Ka Ri-Bhoi da yoh ko wow psiah Semfinal haka U-19 Girls Cricket Tournament ka Meghalaya Cricket Association’s hadien wa jop yaka All Jaintia Cricket Association da 7 Wicket ynne ka sngi ha Nongstoin.
Ha kawi won ka yalehke, ka Sanchisa M Sangma da kamai ko 104 Run yow pynjop yaka Tura District Cricket Association pyrchah yaka East Khasi Hills da 78 Run haka Group C.
Ka Ri-Bhoi da jop ko yaka kylla khlem haka Group A wei da jied ki wow yang bol chwa. Ka Bancyful Mynsong da yoh ko 2/3 waka Dolina Marten 2/16 heiwa da AJCA da ye ko wow kamai 56/10 iwa kamai boon Run dooh daka Kermina Challam 19 Run.
Hawa e yei jubab, ka Ri-Bhoi da dooh ko 3 Wicket heiwa da yoh ka Ritreki Pohshna 2/14, wei da jop ki hapoh ki 7 Over. Yeiwa yoh 26 Run wa 1 Wicket, kawa yalehke ka Ri-Bhoi ka Ankita Sharma da jied yaka kam ka Player-of-the-match.
Haka yalehke wa bood, ka Player-of-the-match ka Sangma da kamai ko 104 na ki 68 bol yow pynpoi yaka TDCA 173/2 na ki 20 Over. Ya ki 2 Wicket da pynhaap daka Dawanshisha Warlarpih (1/25) waka Badapbiang Lawai (1/39).
Hawa juab, ka EKH da kamai ko 95/10, hiewa da leh bha ka Cheambe M Sangma kawa yoh 4/15 daka bol deilang waka Grimchi Sangma 2/10.
Kiwa yalehke ka AJCA man ki kamni ha wah:
Altisha Lytan, Rebella Buongpui, Priskilla Ngaite, Angelisa Pale, Arwaka Dkhar, Ribiangdakani Ryngkhlem, Kermina Challam, Pyntha Lamurong, Rikynmaw-i Ymbon, Alacrity Ryngki, Rushia Dkhar, Phaintis Lyngdoh, Milda Sayoo,Sukwanhaka Sungoh, Juliana Lyngdoh, Ebaniki Dkhar, Ritreki Pohshna (Captain).
Ka AJCA kattu daw yachem ko waka East Garo Hills haka 01-04-21.
