Ka West Khasi Hills daw yachem ko waka Tura haka Final ka Meghalaya Cricket Association U-19 Girls Cricket Tournament hadien wa waroh arliang da jop ki yaka Semifinal ynne ka sngi.
Ka WKH da jop ko da 30 Run yaka Ri-Bhoi katwa ka Tura da jop ko yaka South Garo Hills da 6 Wicket.
Haka yalehke kawa hei step, ka WKH da jop ko yaka kylla-khlem wei da jied ko wow Bat nyngkong deiwa ye u kamai 116/9 na ki 20 Over. Ka Dubleen D Nengnong da kamai boon dooh ko deiwa yoh 33 na 55 bol wei da kamai wut-wut daka Rupabaiakmenlang L Mawlong kawa yoh 27 na 21 bol heiwa da jied leh yaka kam ka Player-of-the-match. Ka Dolina Marten da lehbha ko daka bol yaka Ri-Bhoi deiwa yoh 3/30 katwa ka Ankita Sharma da yoh ko 2/8.
Kiwa kawang bol ka WKH ka Emisakani Warjri (3/18) waka Sistilin Ryntathiang (2/8) da ye ki wow ksoh yaka Ri-Bhoi kawa ye u kamai 86/7 na ki 20 Over. Ka Barisha Wahlang (29) waka Bimla Thakuri (19) da e kyrmen ki yaka Ri-Bhoi wow jop tangwa ym ye ki wow poi thong.
Haka yalehke wa ar, ka SGH da kamai ko 101/10 na ki 18.3 Over hadien wa jop ko yaka kylla-khlem. Ka Mary Jylnn R Marak da yoh ko 28 Run waka Janika R Marak 20 Run deiwa lehbha kiwa kawang bol ka Tura ka Kierrida G Momin 4/11 waka Grimchi Ch Sangma 2/30.
Hadien wa yoh yaka spah Run haka yalehke wa dep ka Tura, ka Sanchisa M Sangma ynne won da yoh ko 66 na 60 bol yow pynjop da 4 Wicket haka 18.5 Over. Deiwa yoh leh ya chi Wicket, ka Sanchisa da yoh ko yei naam Player-of-the-match.
