Ka Tura District Cricket Association waka Ri-Bhoi da jop ki ya jar jiar ki yalehke yong ki ynne ka sngi ha ka Inter District U-19 Women’s Cricket Tournament.
Ka Tura da jop ko da 161 Run yaka East Garo Hills haka Zone 2, katwa ka Ri-Bhoi kat u jop wot ko ya ka West Khasi Hills da 2 Wicket ha Group A ka Zone 1.
Ha ka yalehke wa nyngkong ka Tura da yoh ko 229/4 na ki 35 Over heiwa ka EGH da ye ko wow jubab deiwa kamai 68 donhi deiwa dooh lut ya ki Wicket.
Yei naam Player of the Match da yoh ka Pillika R Marak kawa kamai 79 na 81 bol yaka Tura.
Ha kawi won ka yalehke ka WKH da Bat nyngkong ko ha Nongkhrah, Ri-Bhoi heiwa da kamai 100 Run deiwa dooh lut ki Wicket naka 19.5 Over. Tangwa ka Ri-Bhoi da ye ko wow kdong ya ini deiwa sah sa 2 Wicket deiwa kamai ka Ankita Sharma 42 Run (Not Out) na ki 43 bol.
Yei naam Player of the Match da yoh kawa kawang bol ka Ri-Bhoi ka Angelica Maring (5/27).
Mynstep, ka East Jaintia CA daw yachem ko waka South West Khasi Hills haka Group B ka Zone 1, katwa ka South Garo Hills won daw yachem ko waka North Garo Hills haka Zone 2.
