Ka West Khasi Hills wa Tura District Cricket Association da jop ki ya jar jiar ki yalehke yong ki ha ka U-19 Women’s Cricket Tournament ynne ka sngi.
Ha ka Group A ka Zone 1 ha Nongkhrah, Ri-Bhoi, ka WKH da jop ko ya ka East Khasi Hills da 4 Wikcet. Ka EKH da jop ko yaka kylla khlem wei da jied ko wow Bat nyngkong heiwa ka Captain Monica Lyngdoh kawa da kamai ko 35 Run yow pynyoh 127/9. Ka Player-of-the-Match ka Sistilin Ryntathiang (5/24) da lehbha ko da ka bol katwa ka Emisakani Warjri (3/26) waka Sara Daffica Kharbani (1/18) da yoh Wicket lang ki.
Hawa Bat ka WKH, ka Blaridahun Dkhar da yoh ko (5/16) tangwa kattæ leh dang yoh yei jop deiwa dooh 7 Wicket heiwa ka Rupaiabakmenlang L Mawlong da yoh ko 30 Not Out na ki 17 bol.
Ha kawi won ka yalehke, ka North Garo Hills da rem ko haka Tura da 9 Wicket haka Zone 2. Ka NGH da jop ko yaka kylla khlem wei da jied ko wow Bat nyngkong heiwa da kamai ki 81/9 deiwa lehbha kiwa kawang bol ka Tura wa kynthup ya ka Grimchi Ch Sangma (2/10), Nokambe M Marak (2/20), Pillika R Marak (2/23) waka Chumasa R Marak (1/11). Kawa Bat hei wa ynñiaw, ka Julitha Sangma da kamai boon dooh ko da 25.
Ka Tura da kdong ko ya ka thong deiwa suk deiwa jop ha ka 13.3 Overs. Ka Pillika da yoh ko 42 khlem haap yow yoh biang sa chisien yei naam Player-of-the-Match.
Mynstep, ka Shillong Cricket Association daw yachem ko waka South West Khasi Hills ha Group B ka Zone 1, katwa ka South Garo Hill daw yachem ko waka East Garo Hills ha Zone 2.
