Ka Shillong Cricket Association (A) da psiah Final ko ha ka Zone 1 ka U-23 Boys Inter District Cricket Tournament deiwa jop ya ka SCA (B) da 7 Wicket hapoh ka Group A ha Nongkhrah, Ri-Bhoi ynne ka sngi wa pynman da ka Meghalaya Cricket Association.
Kamtæ ka SCA (A) daw yachem ko waka Ri-Bhoi haka Zonal Final ha ka 21 tarik yow yaknieh yachem waka Tura District CA haka Final.
Ka SCA (A) da jop ko ya ka kylla khlem wei da jied ko wow kawang bol nyngkong heiwa ka SCA (B) da kamai ko 148/10 na ki 34.5 Over. Soo ngut na kiwa sdang u Bat ya ka SCA (B) da kamai ki 20 Run tam tangwa ym ye ki wow pynboon chooh. U Sachin Kumar da kamai boon dooh u da 28 Run. U Man-of-the-Match u Jaskirat Sachdeva (3/21) da lehbha u da ka bol deilang wa u Navin Kumar (3/30).
Hawa kdong, ka SCA (A) da jop ko ha ka Over wa 27.5 Over deiwa dooh 3 Wicket hadien wa ha iwi i por da yoh ki 12/2. U Kevin Christopher da yoh u 70 na 70 (7×4, 3×6) katwa u Sachdeva da yoh u 28 Not Out.
Ha kawi won ka yalehke ha Mendipathar, ka North Garo Hills da jop ko ya ka East Garo Hills da 35 Run. Kani ka yalehke ka Zone 2 toh kawa pyndep rukom heiwa waroh arliang ym em yoh ki u psiah Final.
