Ki yalehke ka lympung 6th Meghalaya Games 2025 dapoi lut ki cha wakut ynne heiwa ya ka Shooting leh da pyndep i yasiat suloi ha Yungwalieh ka Chilliangraij, Jowai.
Ynne ka sngi ya i siat suloi Final 10M Mixed Team da wan sakhi da u Symbood Montri Rangbah ka jylla, u Sniawbhalang Dhar kam u kongsan hei emlang ka DGP ka jylla, ka I. Nongrang.
Hadien ini i siat suloi khaddooh da em ka yalang tbian heiwa u Sniawbhalang da ong u wa ka sorkar yaleh ko wow pynchlur ya ki khynnah wow chimbynta ha ki yalehke.
Da ong u wa ym em wa poi pyrkhat wow lai bait kani ka lympung ha West Jaiñtia tangwa ka sorkar booh thong ko wow pdiang ya ka National Games ha u 2027.
Ha kani ka yalehke Shooting, ka District wa jop boon Medal dooh toh ka East Khasi Hills kawa yoh 43 tylli wa kynthup ya 15 tylli ki Gold Medal, bood sa ka West Jaiñtia heiwa ar deiwa yoh 6 tylli wa kynthup ya 3 tylli ki Gold Medal kawi ka Silver Medal wa ar tylli Bronze, neitæ hei wa le da yoh ka West Garo Hills kawa da yoh 3 tylli ki Gold wa soo tylli ki Bronze.
Chooh chooh da em leh ar ngut na West Jaiñtia kiwa duna hei bor sñiaw (Para Athlete) kiwa yoh kawi ka Silver Medal wa kawi ka Gold Medal ha ka 10M Air Pistol.
Discussion about this post