Ka lympung 6th Meghalaya Games 2025 kawa da em kiwa da sdang ki yalehke nadooh ka 15 tarik wei kiwa yalehbol chynrang wa kynthai da wan ki nadooh ka 13-14 tarik heiwa ynnin ka 20 tarik da sdang leh kiwa boon ki yalehke ha Jowai wa kiwi ki thaw kam ha Mukhla wa Wahiajer heiwa da pynman nadooh ki Wall Climbing, Roll Ball, Gymnastics, Softball, Boxing, Volleyball, Basketball, Football, Archery, Kho Kho, Shooting wa kiwi kiwi.
Hei lai li lum khubor wei yaklam wa kiwa yalehke waphær waphær ki khynroo khyllood kamjooh ki Official ha madan Kiang Nangbah Stadium, da khana ki yei sñiaw i chem yong ki heiyatoh wa kani ka lympung Meghalaya Games la heiyatoh wa ki thaw sah, ki yalehke neibhah wa ki toh kiwa da wan chwa deiwa sdang chwa da ka yalehbol neibynta ki chynrang wa kynthai nadooh ka 15 tarik.
Hawa yoh u yaklam da khana ki wa hun ki ya waroh i jait nadooh ka thaw sah thaw dem, i baam i dih, ki thaw sum thaw sait, ki paikhana wa kiwi de.
Neiliang kiwa yalehbol ka Ri-Bhoi kiwa man kam ki Champion ha u 2024, da yooluti ki wa ha uni u snem leh daw ye ki wow rah biang yei naam.
Ki liang wa na Garo da ong ki wa lada ym em poi thong ki leh daw pynkhreh chooh chooh ki wei da yooluti ki leh wow pynchna ya kani ka madan neidaw wa da rap sih u Artificial Turf wa da siang.
Kiwa yalehke ka West Jaiñtia Hills kiwa da yoh wow lai chakhmat da yooluti ki wow poi cha ka thong wei ka sorkar u pteiñ ko wow e yarap khamtam ya ki kynthai deiwa pynbiang ki Coach wa kiwi de kiwa emkaam.
Discussion about this post