Meghalaya Games 2025: Khur ka West Jaiñtia ya ki Medal ha ki yalehke Track & Field

Ki yalehke Track & Field ka 6^th Meghalaya Games da pyndep ya ka sngi wa ar heiwa ka West Jaiñtia Hills da yoh ko boon dooh ki Medal. 

Ha ka 10,000m men’s race, u Kresstarjune Pathaw na South West Khasi Hills da yoh Gold Medal u deiwa pyndep yei phet heipor wa 32:20.39 second wei da bood ryngkhi da u Banjoplang Wanniang wa u Wanbok L. Mawphlang na West Khasi Hills yow yoh Silver wa Bronze. 

Ha ka Women’s 3,000 m race, ka Gloryfy Kurbah na East Khasi Hills da yoh ko ya ka Gold wa ar ko deiwa pyndep yei phet heipor wa 11:36.53 seconds, ka Marqueenless Ramsiej na SWKH da yoh Silver ko katwa ka Balarisha Thyrniang na East Khasi da yoh Bronze ko. 

Ha ka Long Jump, ka Joytiful Narlong na Ri-Bhoi District da yoh Gold Medal ko ha ki kynthai deiwa kynthiar 4.75 meters, ka Doralin Ronghi na Ri-Bhoi hi da yoh Silver ko katwa ka Tiewlari Rynshiang na WKH da yoh Bronze. Ha ka yong ki chynrang won, u Renaldi Dhar na West Jaintia Hills da yoh Gold u deiwa kynthiar 6.45 meters deiwa kat u ye u pyntam ya u Jebirth Ch Marak na West Garo Hills uwa da yoh ya ka Silver. 

Related posts

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

Poi noh ka Baby League ka East Jaiñtia cha wakut

May 10, 2025

Ha ka 400m race, u Kyrshanlang Shylla na West Jaiñtia Hills da jop u ya ka Gold Medal deiwa pyndep yei phet da 51.46 seconds, u Donbok Shabong na EKH da yoh Silver u. Ha ka yong ki kynthai, ka Damika R. Lyngdoh na West Jaiñtia Hills da yoh Gold ko deiwa pyndep yei phet heipor wa 1:02.37 seconds yow pyntam ya ka Ritina Hanse ka Ri-Bhoi District kawa yoh Silver. 

Da pynkut ya kani ka sngi deiwa pynman ya ki Relay Race heiwa ka West Jaiñtia Hills da jop biang ko heiwa ha ka yong ki kynthai 4x100m relay da pyndep ki heipor 55.44 second iwa da pynbood da ka Ri-Bhoi wa EKH. Ha ka men’s relay, ka West Jaiñtia Hills da jop biang ko deida pyndep heipor 45.59 second wei da pynbood da ka East Khasi wa North Garo kiwa yoh Silver wa Bronze. 

Ka West Jaintia Hills (WJH) kattu da yoh ko 6 gold, 2 silver wa 2 bronze. Ka East Khasi Hills (EKHD) hei wa ar da 4 gold, 2 silver wa 3 bronze, katwa hei wa le da em ka Ri-Bhoi kawa yoh 2 gold, 4 silver wa 1 bronze.