Hadien wa kut ka sngi wa soo ka 5th Meghalaya Games kawa pynman ha Tura, ka East Khasi Hills da pteiñ ko wow yoh nyngkong deiwa yoh 247 tylli ki takma kiwa kynthup ya 92 tylli ki Takma Ksiar, 71 tylli ki Takma Rupa wa 84 tylli ki Takma Tama.
Hei wa ar da me ka West Jaiñtia Hills kawa da yoh waroh 44 tylli ki takma kiwa kynthup ya 17 tylli ki Takma Ksiar, 12 tylli ki Takma Rupa wa 15 tylli ki Takma Tama.
Hei wa le da em ka Ri-Bhoi kawa da yoh waroh 47 tylli ki takma heiwa 12 tylli toh ki Takma Ksiar, 13 tylli ki Takma Tama wa 22 tylli ki Takma Tama.
Ka East waka West Jaiñtia Hills da pteiñ ki wow yoh takma sa ha ka yalehke Judo heiwa haka Boys 55 Kg u Player Dhar na East Jaiñtia Hills wa u Phrangsagi Paswet na West Jaiñtia Hills da yoh ki mar kawi ka Takma Tama.
Haka Girls 50 Kg, ka Fedrick Dkhar na East Jaiñtia Hills da yoh Takma Tama ko.
Haka Girls 52 Kg, ka West Jaintia Hills da yoh Takma Rupa ko.
Haka Boys 48 Kg, ka East Jaiñtia Hills da yoh Takma Tama.
Haka Girls 44 Kg, ka Banrilin Jasain na East Jaiñtia Hills da yoh Takma Ksiar ko, ka Shilpa Rajbongsih (EKH) da yoh Takma Rupa ko katwa ka West Jaiñtia Hills wa Ri-Bhoi da yoh ki mar kawi ka Takma Tama.
Discussion about this post