Ka yalehbol yong ki kynthai (U-18) da pyndep ya ki yalehke Semi Final ynne heiwa ka Ri-Bhoi District deilang waka East Khasi Hills District da yoh ki wow psiah cha ka Final ka 5th Meghalaya Games.
Ha ki yakhun Semifinal kiwa da pynman ha PA Sangma Stadium, Tura neiliang ki kynthai ka Ri-Bhoi District da pynrem ki yaka Eastern West Khasi Hills District da 5-1.
Ka Imaia Shylla samen da yoh ko wow thap soo tylli ki kool katwa ya ka chi kool da thap ka Rimika Khongkai. Ya ka chi kool ka Eastern West Khasi da thap da ka Rympeibasuk Syiemlieh.
Ha ka Semi wa ar, ki kynthai ka East Khasi Hills da jop suk ki da 5-0 yaka South West Khasi Hills, da ki kool wa thap ka Inrilaidor Khongthaw kawa da thap ar kool wa mar chi kool na ka Melaribha Lyngdoh, ka Ibashembha Khongsit waka Ideibanrishisha Kharpan.
Discussion about this post