Ki yalehke yong ka Athletics ka 5th Meghalaya Games kawa da pynman ha Tura, West Garo Hills District dapoi noh ko cha wakut ynne ka sngi. Wei ha kini ki le sngi yong ka yakhun, u Skhemlang Suba ka Ri-Bhoi waka Glorify Kurbah ka East Khasi Hills kiwa da yoh leh u rah yei naam Best Athlete yong ki chynrang wa kynthai.
U Skhemlang da yoh u yeini i naam hadien wa ye u pyndep deiwa phet smat dooh haka 800m deiwa leh yeini heipor wa 1:54.7 Sec, iwa da biang pura ya oo wow yoh 897 Point, katwa neiliang ka Glorify Kurbah da yoh ko yei naam yong ka hadien wa da ye ko wow pyndep yaka thong ka 800m heipor wa 2:21.5 Sec yow yoh 809 Point.
Hawa kheiñ yonglang yei rukom yalehke ha waroh le sngi, ka West Jaiñtia Hills District da yoh ko wow khur 17 tylli ki takma wa kynthup ya 8 tylli ki Takma Ksiar, 4 tylli ki Takma Rupa wa 5 tylli ki Takma Tama yow yoh yei naam Overall Champion.
Hei wa ar da wan ka Ri-Bhoi District hadien wa yoh ki 15 tylli ki takma wa kynthup 6 tylli ki Takma Ksiar, 6 tylli ki Takma Rupa wa 3 tylli ki Takma Tama katwa ka East Khasi da yoh ko hei wa le deiwa yoh 10 tylli ki takma wa kynthup 5 tylli ki Takma Ksiar, 3 tylli ki Takma Rupa wa 2 tylli ki Takma Tama.
Discussion about this post