Miat ka Result ka HSSLC Arts Stream 2022, hadooh 81.17% ka Pass Percentage

Ka Result ka Higher Secondary School Leaving Certificate (HSSLC) Arts Stream, 2022 da man ko kawa miat heiwa kiwa lait namo ka Pass Percentage da em ko 81.17% iwa heh dooh ha ki san snem wei i sien nyngkong nadooh u 2018 wa em ko palat 80%.

Waroh kiwa da yaleh da em ki 22,711 ngut heiwa kiwa lait da em ki 18,434 ngut kiwa boon dooh na East Khasi Hills kiwa em 6682 ngut, iwa da pynbood da ka West Garo Hills 2860 ngut wa ka West Jaiñtia Hills 2173 ngut.

Na waroh kiwa Pass, 36.25% toh kiwa na East Khasi Hills, na West Garo Hills 15.51% wa na West Jaiñtia Hills 11.79%.

Deiwa kheiñ won jar jiar ki Pass Percentage ki District, kawa heh dooh toh ha Eastern West Khasi Hills kawa yoh 96.25% iwa mut wa na ki 640 ngut kiwa yaleh, kiwa lait da em ki 616 ngut, hei wa ar da yoh ka South West Khasi Hills kawa yoh 91.94% heiwa kiwa yaleh da em ki 558 ngut katwa kiwa lait da em ki 513 ngut katwa hei wa le da yoh ka East Khasi Hills kawa da yoh 91.09% heiwa kiwa yaleh da em ki 7336 ngut katwa kiwa lait da em ki 6682 ngut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka District wa duna dooh ka Pass Percentage toh ka South Garo Hills kawa yoh 55.67% heiwa kiwa yaleh da em ki 909 ngut katwa kiwa lait da em ki 506 ngut, iwa da pynbood da ka North Garo Hills 68.85% wa em 1252 ngut kiwa yaleh katwa kiwa lait da em ki 862 ngut, ka West Garo Hills 69.18% kawa em 4134 ngut kiwa yaleh wa 2860 ngut kiwa lait waka East Garo Hills 69.44% kawa em 998 ngut kiwa yaleh wa 693 ngut kiwa lait.

Ha West Jaiñtia Hills kiwa yaleh da em ki 2669 ngut heiwa kiwa lait da em ki 2173 ngut iwa mut 81.42% katwa ha East Jaiñtia Hills kiwa yaleh da em ki 578 ngut katwa kiwa lait da em ki 523 ngut iwa mut 90.48%.

Ki ST wa da yaleh da em ki 9,311 ngut ki chynrang wa 12,085 ngut ki kynthai heiwa ki chynrang wa lait da em ki 77.05% katwa ki kynthai won 84.27%.

Ki SC wa yaleh da em ki 68 ngut ki chynrang katwa ki kynthai da em ki 69 ngut heiwa ki chynrang wa lait da em ki 73.53% katwa ki kynthai da em ki 71.01%.

Ki OBC wa yaleh da em ki 54 ngut ki chynrang wa 73 ngut ki kynthai heiwa ki chynrang wa lait da em ki 81.48% katwa ki kynthai won 89.04%.

Ki General Category won da em 492 ngut ki chynrang wa 559 ngut ki kynthai heiwa ki chynrang wa lait da em ki 76.42% katwa ki kynthai won 88.01%.

Ha ka Merit List da yoh nyngkong ka Don Bosco College (Hr. Sec. Section), Tura wei da em leh arngut kiwa naka Little Flower Higher Secondary School, Ummulong wa yoh hei wa soo wa hei wa ynñiaw.