Miat wei bha ka Kñia Pyrthat yong ka Elaka Jowai ynne ka sngi

Jowai: Ka Kñia Pyrthat yong ka Elaka Jowai da pyndep ya ka ynne ka sngi ka 6 tarik wow man leh ka dak wa da sdang ka lehniam Behdieñkhlam.

Dang step ynne u Dolloi, u Langdoh, ki waheh wasian ka Raij kiwa kynthup ya ki phra kur phra kmai da yachem ki ha Yung Langdoh yow bichaar ya u Tpu ka Langdoh, u Tpu u Dolloi wa u Tpu ka Raij.

Manda dep ini da mih won yow lai cha u Loom Mookhai yow pyndep ya ka Kñia Pyrthat heiwa da e ngooh da e bhet e bhar ya u Syiem Pyrthat da uwi u sniang wa uwi u syiar Ryngkooh.

Hadien wa dep yei kñia na u Loom Mookhai da hiar cha Madan Kñia Pyrthat yow ya pynkhreh ya i ja i doh yow baam wei wow e ngooh ya ki blai ki syiem.

Manda dep u baam ya i ja kñia da pynbood won sa ya ka e yutang na u Dolloi ka Elaka wa na u Kongwasan (Langdoh Chyrmang).

Ka kñia ynne ka sngi da man ko kawa miat wa bha.

Related posts

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026

Khut sñiawbha ka Seiñ Raij Satpator wow ya wan sakhilang ya ka Niam Phor

January 6, 2026