Kat dang mih ki sngi ki paidbah da jhan da sy’a da pisa lang’a ki kat nadooh mynnu u chah biang ka sorkar wow wai ya ki yaaw wei wow yoh biang ki u khih i kreh.
Ynne ka sngi da mih i awri chibet chipor ha Iawmusiang (poh yaaw) hadien wa wan ki pulit wow khang ya kiwa chongdai wei da rah ya ki jhoor ki soh wa dai ki bru neibhah hadooh ynne ka sngi ympu chah ka sorkar wow chongdai ki bru ha ini i thaw wa ha kiwi ki yaaw ha Jowai.
Neiliang kiwa chongdai da ong ki wa ini i leh ki pulit toh iwa ymye u pdiang neibhah la kamwa ar bnai kattu da hap chong bait ki ha yung wei da phylla ki leh wa em won ki kattu katni kiwa yoh u wai suk ya ki dukan wei wow chongdai katwa ngait ki.
Kiwa chongdai da ong ki leh wa ka sorkar toh u pyrkhat ki ya ki beibhah kat dang mih ki sngi da chem chitom ki wow pyndap pynbiang yeiwa emkaam ha yung ha sem ki yong ki.
Kawi na ki tymmen wa chongdai da ong ko wa waroh chi kattu da chongdai ki ha yaaw wei ka sorkar da toh u pyrkhat ko ya ki neibhah lada kamni bait u khang da toh u thooh laad ka sorkar kammon wow pyndap pynbiang ya ki.
