Hadien wa mih ki dur wa da pynthymme ka sorkar jylla ya ka kamra wa jooh chong yalang ka dhab ki montri namo ka Cabinet Meeting, da sdang mih ki dur wa nujor wa i dur iwa mih dang ini wa dep ya kani ka jooh ka thaw chong ki montri heiwa waroh ki montri da chong ki ha ki chuki wa syad daor tangwa katni won da chong ha ki chuki wa rap toh dor ya kiwa da dep.
Ha ki Social Media da sdang kylli wa cheiwon wiar kini ki chuki ki montri ha kani ka kamra wa chong yalang wa kyrpang ki kiwa chongdor da ki phaw hajar ka wi, katwa ynnin ka sngi da yoo won wa ki montri da chong ki ha ki chuki kiwa rap toh dor.
Hajrong ini waroh hawa yaklam wa u montri ka Secretariat Administration Department, u Renikton L Tongkhar da ong u wa da kyrriah ya ki neidaw wa wit wei wa heh palat ki.
Chooh chooh hawa kylli, da ong u wa ymtip u cheiwon em kini ki chuki tangwa lada toh kiwa dang thymme da toh u pynuiñ ya ki wa khlem pynemkaam ya ki.
