I dur wa i pyrtuid ka Sunny Leone da em wa pynemkaam ki ha kawi ka Admit Card yow yaleh kreh pulit Police Constable ha Uttar Pradesh.
Ya ini i dur da em wa Upload cha ka Website ka Uttar Pradesh Police Recruitment and Promotion Board heiwa i pyrtuid wa yaleh Exam leh da e Sunny Leone wei kani ka Exam toh kawa da pynman ha ki 75 tylli ki District ha ki 2,385 tylli ki Exam Centre nadooh ynnin ka sngi.
Kiwa wan yaleh Exam em da ki phaw hajar ngut wei da ya thiah ki cha Railway Station, ki Bus Station wa kiwi kiwi de.
Kani ka Admit Card toh neibnynta ka Exam Centre wa em ha Smt Soneshree Memorial Girls College ha Tirwa Tehsil, UP.
Tangwa ya kani ka Admit Card ym em wa pynemkaam ka wei da suba wa em wa leh kyndeh donhi yeini heipor wa thap pyrtuid yow yaleh kreh.
Neidaw wa boon kiwa yaleh kreh da hap wow phiah ya kani ka Exam ha ar bynta wei da em leh 122 ngut kiwa da chah kem ha ki ar sngi wa da lai kiwa da lai yaleh Exam heithaw yong kiwi.
Ynnin da kem ya 15 ngut kiwa leh thok heipor wa thoh Exam ki.
Discussion about this post