Jowai: Ha ka miet yong ka 8 tarik ki ar ngut ki khynroo na Guwahati, Assam ya kiwa tip kam u Abhijeet Nath wa u Nilotpal Das da laike ki cha Dokmoka in Karbi Anglong heiwa ki paidbah lyngba ki khubor hamsaya da pynbaad ki wa kini ki ar ngut toh kiwa rah khynnah wei da dat yonnglang ki ya kini ki ar ngut hadooh wa yap ki.
Ka yutip wa yoh da ong wa hadien ini wei da sdang poor i video yong kini ki ar ngut heipor wa chah dat ki lyngba ki Social Media, ki kattu katni ngut ka sor Guwahati da yalang ki ha Commerce Point, Guwahati dei thmu wow lai cha Raj Bhavan wow dawa wow kem wei wow pynchitom ya kiwa emkti wow tynyap ya kiwa emkti wow tynyap ya kini ki ar ngut.
Manda poi ha Commerce point da khang ki bor ka aiñ ya kini ki paidbah wei da beh ki ya ki paidbah deiwa pynemkaam da ki bom pynjhia khmat wei i bom lathi ya ki paidbah heiwa boon kiwa da mynsoo kynthup ki ya ki kynthai.
Neiliang ki bor pulit ka Assam da kem ki hadooh palat khatsan ngut na Dokmoka kiwa emkti wow tynyap ya kini ki ar ngut.
Hadooh wa pynmih ya kani ka khubor dang em i chong syir ha sorbah Guwahati.
Discussion about this post