I awri awra da mih i ha chnong Pilingkata ha khappood Assam–Meghalaya iwa dapoi cha i yachoh hapyrdi ki ar liang iwa da wanrah yei mynsoo ki kattu katni ngut wei ini da jia i ynnin ka sngi.
Ini da jia i hadien wa em wa biah rong yong ya u mot kreh MGNREGA ha i thaw wa kajia hapyrdi ki ar jylla iwa da pynman ya ki kynthai na Meghalaya wow thooh daw ya ki kynthai na liang Assam, iwa da rap pynheh chooh yei awri.
Heiyatoh wa ini ym pu em wa chah kem wei ini iwa jia da kdaw i leh yei synjor i chngaaiñ ha khappood ki ar jylla.
Heipor wa jia ini da emlang ki pulit na ki ar jylla, kiwa da yaleh wow pynjem ya ki paidbah yow lait i awri u heh.
Ha u March 2022 da soi ya ka Memorandum of Understanding hapyrdi ka Assam wa Meghalaya wow pynbait ya u pood wa kynthup ya ka Pilingkata.
Katkam wa man katni da pynboon ka sorkar ya ki bor pulit wow pyntikna wym heh næ joor i awri.
Discussion about this post